Ծանրամարտի Եվրոպայի առաջնությունում Հռիփսիմե Խուրշուդյանը զբաղեցրեց 4- րդ հորիզոնականը
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Թբիլիսում շարունակվող ծանրամարտի Եվրոպայի առաջնությունում կանանց 75+ քաշային կարգում Հռիփսիմե Խուրշուդյանը զբաղեցրեց 4-րդ հորիզոնականը: «Արմենպրես»-ի փոխանցմամբ՝ Հայաստանի ներկայացուցիչը փայլուն կատարեց պոկում վարժության բոլոր երեք մոտեցումները՝ առաջին անգամ բարձրացնելով
106 կգ, երկրորդ անգամ՝ 111 կգ և երրորդ անդամ 113 կգ: Խուրշուդյանն այս վարժությունում զբաղեցրեց 4-րդ հորիզոնականը: Հրում վարժությունում մեր մարզուհին առաջին մոտեցմամբ կարողացավ հրել 135 կգ ծանրաձողը, սակայն երկրորդ մոտեցմամբ 140 կգ-ը նրան չտրվեց: Երրորդ մոտեցման ժամանակ 141 կգ պատվիրած Խուրշուդյանը հաջողությամբ կարողացավ ծանրաձողը պահել իր գլխավերևում՝ նվաճելով փոքր բրոնզե մեդալ:
Երկամարտի 254 կգ արդյունքով Հռիփսիմե Խուրշուդյանը զբաղեցրեց 4-րդ հորիզոնականը:
Բաժանորդագրվեք մեր ալիքին Telegram-ում