ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: Մոնտեվիդեոյի հիվանդանոցում մահացել է Ուրուգվայի եւ ամբողջ Լատինական Ամերիկայի ամենահայտնի գրողներից մեկը՝ Էդուարդո Գալեանոն, տեղեկացնում է «Արմենպրես»-ը՝ հղում անելով BBC-ին:

74-ամյա գրողը տառապում էր թոքերի քաղցկեղից:

Էդուարդո Գալեանոն հայտնի է դարձել 1971 թվականին «Լատինական Ամերիկայի արյունածոր երակները» գրքի հրապարակումից հետո, որում պատմում է Եվրոպայի եւ Միացյալ Նահանգների կողմից տարածաշրջանի երկրների շահագործման մասին:

Այդ գիրքը արգելված էր Ուրուգվայում, Չիլիում եւ Արգենտինայում՝ այդ երկրներում զինվորական դիկտատուրաների ժամանակներում: Գրողն ու քաղաքական ակտիվիստն ինքը հարկադրված էր տարագրվել Իսպանիա, որտեղից հայրենիք է վերադարձել միայն 80-ական թվականներին:

2009 թվականին «Լատինական Ամերիկայի արյունածոր երակները» գիրքը վերստին դարձել է բեստսելլեր այն բանից հետո, երբ Վենեսուելայի նախագահ Ուգո Չավեսը այն նվիրեց ԱՄՆ-ի նախագահ Բարաք Օբամային:

Լուսանկարը` АР