Մինսկում կկայանա ԵՏՀ ձեռնարկատիրության հարցերով խորհրդատվական կոմիտեի ութերորդ նիստը
22:03, 1 Ապրիլ 2015
ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: Եվրասիական տնտեսական հանձնաժողովի ձեռնարկատիրության հարցերով խորհրդատվական կոմիտեն Մինսկում կանցկացնի իր ութերորդ նիստը: Ինչպես «Արմենպրես»-ին տեղեկացրին հանձնաժողովի մամուլի ծառայությունից, նիստը կկայանա ապրիլի 10-ին:
ԵԱՏՄ տարածքում ծառայությունների միասնական շուկա ստեղծելու նպատակով` նախատեսվում է նիստում քննարկել միության անդամ երկրներում ծառայությունների առևտուրը կարգավորող կանոնների նախագծերը: Բացի այդ, գործարար համայնքը կտեղեկացվի ԵՏՀ որոշումների ազդեցությունների գնահատման գործընթացի մասին, որը կարող է ազդեցություն ունենալ բիզնես-միջավայրի վրա:
Բաժանորդագրվեք մեր ալիքին Telegram-ում