Ուկրաինան 500 մլն եվրո կստանա Գերմանիայից Դոնբասի վերականգման համար
21:53, 1 Ապրիլ 2015
ԿԻԵՎ, 1 ԱՊՐԻԼԻ, ԱՐՄԵՆՊՐԵՍ: Գերմանիայի կառավարությունը 500 մլն եվրո վարկ կտրամադրի Ուկրաինային այդ երկրի արևելյան տարածքները վերականգնելու համար: Ինչպես հաղորդում է «Արմենպրես»-ը՟ վկայակոչելով ՏԱՍՍ գործակալությունը, այս մասին հայտնել է Ուկրաինայի ենթակառուցվածքների նախարարության մամուլի ծառայությունը:
Գումարն Ուկրաինային կփոխանցվի KfW բանկի միջոցով` երկու երկրների կառավարությունների միջև կնքված պայամանգրի շրջանակներում: Միջոցները կտրամադրվեն Ուկրաինայի արևելյան շրջանի արդիականացման և վերականգման համար: Ուկրաինան իր հերթին վարկը պետք է մարի 15 տարվա ընթացքում, արտոնյալ ժամանակահատվածը 5 տարի է: Նշվում է, թե հնարավոր է, որ KfW բանկը այս տարվա հունիսին նաև հավելյալ ֆինանսական միջոցներ տրամադրի:
Բաժանորդագրվեք մեր ալիքին Telegram-ում