Նոր Հարավային Ուելսի առաջին կին գանձապետ է նշանակվել ավստրալահայ Գլեդիս Բերեջիկյանը
ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: Ավստրալահայ քաղաքական գործիչ Գլեդիս Բերեջիկյանը դարձել Նոր Հարավային Ուելս նահանգի առաջին կին գանձապետը: Նրա վերահսկողության տակ է լինելու 70 միլիարդ ավստրալական դոլար ծավալով նահանգային բյուջեն: «Արմենպրես»-ի փոխանցմամբ Հայ դատի Ավստրալիայի հանձնախումբն իր ֆեյսբուքյան էջում այս մասին գրառում է կատարել և շնորհավորել հայազգի պաշտոնյային: Հանձնախումբը նշում է, որ անհամբերությամբ սպասում է նահանգային նոր կառավարության հետ աշխատանքներին, որի ընթացքում հնարավոր կլինի անդրադառնալ ավստրալահայ համայնքի համար կարևորություն ներկայացնող հարցերին:
Ավստրալահայ քաղաքական գործիչ Գլեդիս Բերեջիկյանը զբաղեցնում էր Նոր Հարավային Ուելս նահանգի տրանսպորտի նախարարի պաշտոնը: Նա նահանգի Լիբերալ կուսակցության փոխնախագահն է: Ծնվել է Սիդնեյում 1970 թվականին:
Բաժանորդագրվեք մեր ալիքին Telegram-ում