Գերմանացի 200 դերասաններ Վերֆելի վեպի ընթերցումով կոգեկոչեն Ցեղասպանության զոհերի հիշատակը
17:55, 31 Մարտ 2015
ԵՐԵՎԱՆ, 31 ՄԱՐՏԻ, ԱՐՄԵՆՊՐԵՍ: Հայոց ցեղասպանության 100-րդ տարելիցին ընդառաջ, ի հիշատակ Ցեղասպանության անմեղ զոհերի 40 ժամ տևողությամբ և գերմանացի 200 դերասանների մասնակցությամբ հիշատակի միջոցառում տեղի կունենա Նյունբերգի պետական թատրոնի բեմում: «Արմենպրես»-ի փոխանցմամբˋ այս մասին մարտի 31-ին լրագրողների հետ հանդիպմանը տեղեկացրեց գերմանացի ռեժիսոր, դրամատուրգ Քրիստիան Պապկենˋ հավելելով, որ ներկայացվելու է Ֆրանց Վերֆելի «Մուսա լեռնա 40 օրը» վեպը:
Բացի այդ, միջոցառման օրը ելույթ կունենան Գերմանիա այցելած հայտնի ցեղասպանագետներ, ելույթ կունենա հայազգի երգչուհի Հրաչուհի Բասենցը:
Միջոցառման նպատակն է գերմանական հասարակությանը իրազեկել Հայոց ցեղասպանության մասին:
Բաժանորդագրվեք մեր ալիքին Telegram-ում