ԵՐԵՎԱՆ,  31 ՄԱՐՏԻ, ԱՐՄԵՆՊՐԵՍ: Հայ շախմատիստները շարունակում են ելույթները Մոսկվայում ընթացող «Աէրոֆլոտ»-ի բաց մրցաշարում:

Արագ շախմատի Հայաստանի չեմպիոն Տիգրան Պետրոսյանը և Հովհաննես Գաբուզյանը, ովքեր հանդես են գալիս մրցաշարի A խմբում, առավելության են հասել մրցակիցների նկատմամբ: B խմբում Հայաստանի ներկայացուցիչ Տիգրան Քոթանջյանը, Վահե Բաղդասարյանը, Դավիթ Պետրոսյանը կիսել են միավոր, իսկ ահա Էլինա Դանիելյանը պարտվել է: C խմբի մեր երկու մասնակիցները` Աշոտ Փարվանյանը և Արթուր Ղարագյոզյանը հաղթանակներ են դարել:

«Արմենպրես»-ի հաղորդմամբ, 4-րդ տուրից հետո Պետրոսյանն ունի 2,5 միավոր և առաջատարից հետ է մնում մեկ միավորով: Նույնքան միավոր ունի նաև Հովհաննես Գաբուզյանը: Տիգրան Քոթանջյանը, Վահե Բաղդասարյանն ունեն 3-ական միավոր և B խմբի առաջատարից հետ են կես միավորով: Իսկ ահա C խմբում Արթուր Ղարագյոզյանը ունի 4 միավոր և առաջատարն է: