ԼՂՀ ԱԳՆ և ՀԲԸՄ Կանադայի մասնաճյուղի ղեկավարները քննարկել են Արցախ- սփյուռք համագործակցության հարցեր
19:19, 30 Մարտ 2015
ՍՏԵՓԱՆԱԿԵՐՏ, 30 ՄԱՐՏԻ, ԱՐՄԵՆՊՐԵՍ: Լեռնային Ղարաբաղի Հանրապետության արտաքին գործերի նախարար Կարեն Միրզոյանը մարտի 30-ին ընդունել է Հայկական բարեգործական ընդհանուր միության Կանադայի մասնաճյուղի ատենապետ Շահե Տանաչյանին և քարտուղար Հակոբ Արսլանյանին։ Ինչպես «Արմենպրես»-ին փոխանցեցին ԼՂՀ ԱԳՆ տեղեկատվության եւ հասարակայնության հետ կապերի վարչությունից, հանդիպման ընթացքում կողմերը քննարկել են Արցախի և սփյուռքի կառույցների միջև համագործակցությանն առնչվող մի շարք հարցեր։ Անդրադարձ է կատարվել ՀԲԸՄ Կանադայի մասնաճյուղի կողմից վերջերս հիմնադրված հայ-կանադական քաղաքական կոմիտեի գործունեության շրջանակներում Արցախին վերաբերող նախաձեռնությունների իրագործման հնարավորությանը։
Բաժանորդագրվեք մեր ալիքին Telegram-ում