Հնդկաստանում շուրջ հազար մարդ Է ձերբակալվել ոստիկանություն ընդունելության քննությանը խաբեության դիմելու համար
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Հնդկաստանի Բիհարի նահանգի ոստիկանությունը հաղորդել Է, որ վերջին ամսում ավելի քան հազար մարդ Է կալանավորվել ոստիկանությունում աշխատանք ստանալու համար քննության ժամանակ խաբեության դիմելու գործով, տեղեկացնում Է «Արմենպրես»-ը՝ հղում անելով BBC-ին:
Ինչպես նշել են տեղի իշխանությունները, երիտասարդներին վարձել են, որպեսզի ոստիկանական պաշտոնների համար ֆիզիկական պատրաստության քննություն հանձնելիս փոխարինեն հայցորդներին:
Ավելի վաղ Բիհարի նահանգում բորբոքվել Է մեկ այլ աղմկահարույց սկանդալ՝ նույնպես կապված քննությունների հետ. շուրջ 300 մարդ Է կալանավորվել դպրոցական քննություններում տեղ գտած զանգվածային արտագրությունից հետո:
Ինչպես ավելի ուշ պարզվել Է, կալանավորվածներից շատերը եղել են դպրոցականների ծնողները: Նաեւ հաղորդվել Է, որ 750-ից ավելի աշակերտներ հեռացվել են դպրոցից:
Բաժանորդագրվեք մեր ալիքին Telegram-ում