Չորս բալ ուժգնությամբ երկրաշարժ Ադրբեջանում
15:43, 30 Մարտ 2015
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Ադրբեջանի Շամախիի շրջանում 4 բալ ուժգնությամբ երկրաշարժ է տեղի ունեցել:
Ինչպես հաղորդում է «Արմենպրես»-ը` վկայակոչելով ադրբեջանական ԶԼՄ-ները, Ադրբեջանի հանրապետական սեյսմոլոգիական կենտրոնի մամուլի ծառայությունը հայտնել է, որ երկրաշարժը տեղական ժամանակով ժամը 14:59:01-ին տեղի է ունեցել Շամախու շրջանի Փիրգուլու բնակավայրից 13 կմ դեպի հյուսիս:
Ստորգետնյա ցնցումների մագնիտուդը կազմել է 4.1, խորությունը` 7 կմ: Երկրաշարժը էպիկենտրոնում զգացվել է 4 բալ ուժգնությամբ, շրջակա բնակավայրերում` մինչեւ 3 բալ: Զոհերի եւ ավերածությունների մասին տեղեկություններ չեն հաղորդվում:
Բաժանորդագրվեք մեր ալիքին Telegram-ում