Մաթս Հյումելսը մտածում է «Բորուսիա»-ից հեռանալու մասին
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Գերմանիայի ազգային թիմի և «Բորուսիա»-ի ֆուտբոլիստ Մատս Հյումելսը չի բացառում, որ մրցաշրջանի ավարտից հետո կարող է հեռանալ «Բորուսիա»-ից:
«Ես դեռ վերջնական որոշում չեմ կայացրել: Մտածում եմ իմ ֆուտբոլային ապագայի մասին: Կար մի ակումբ, ում հետ բանակցությունները ինչ-որ արդյունք տվեցին: Մեզ Դորտմունդում ուժեղ թիմ է պետք, եթե չհաջողվի կառուցել նման թիմ, ապա այլ ակումբ տեղափոխվելը հնարավոր կլինի: Ամեն դեպքում արտերկրում խաղալը առաջընթաց կլինի թե ֆուտբոլային և թե անձնական տեսանկյունից»,-«Արմենպրես»-ի հաղորդմամբ, Հյումելսի խոսքը մեջ է բերում Kicker-ը պարբերականը:
Բունդեսլիգայի 26-րդ տուրից հետո Դորտմունդի «Բորուսիա»-ն ընդամենը 10-րդ տեղում է և ունի 33 միավոր, այնինչ առաջատար Մյունխենի «Բավարիա»-ն ունի 64 միավոր և 10 միավորով առաջ է անցել երկրորդ տեղում ընթացող «Վոլֆսբուրգ»-ից:
Բաժանորդագրվեք մեր ալիքին Telegram-ում