Վախճանվել է «Ակոս» պարբերականի հայերեն բաժնի խմբագիր Սարգիս Սերոբյանը
11:46, 29 Մարտ 2015
ԵՐԵՎԱՆ, 29 ՄԱՐՏԻ, ԱՐՄԵՆՊՐԵՍ: Ստամբուլի հայկական «Ակոս» պարբերականի հիմնադիրներից մեկն ու հայերեն բաժնի խմբագիրը՝ Սարգիս Սերոբյանը, մարտի 28-ին հրաժեշտ է տվել կյանքին: Ինչպես հաղորդում է «Արմենպրես»-ը, այս մասին տեղեկացնում է «Ակոս»-ը:
Սարգիս Սերոբյանը ծնվել է 1935 թվականին: Ուսումն ավարտելուց հետո տարբեր ամսագրերում և թերթերում հայերեն հոդվածներ է գրել: Հրանտ Դինքի առաջարկով 1996 թվականին տեղ է գտել «Ակոս» պարբերականի հիմնադիր խմբում և ստանձնել է հայերեն բաժնի խմբագրությունը, ինչով զբաղվում էր մինչ օրս:
Սարգիս Սերոբյանը ամուսնացած էր, ուներ երկու զավակ:
«Արմենպրես»-ի խմբագրակազմը ցավակցում է Սերոբյանի ընտանիքին, մերձավորներին ու ընկերներին:
Բաժանորդագրվեք մեր ալիքին Telegram-ում