Երևանի կենդանաբանական այգին կլուսավորվի էներգախնայող լամպերով
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Մինչև մայիս ամբողջովին կվերազինվի Երևանի կենդանաբանական այգու լուսավորման համակարգը: Այս մասին մարտի 27-ին Երևանում էներգաարդյունավետ լամպերի տեղադրման պիլոտային ծրագրի ամփոփման շրջանակներում տեղեկացրեց Երևանի քաղաքապետի առաջին տեղակալ Կամո Արեյանը:
«Եթե Իսակովի պողոտայի լուսավորման արդիականացման դեպքում մալուխային ցանցը մնաց վերգետնյա, ապա կենդանաբանական այգում նոր տեղադրվող հենասյուների և էներգախնայող լուսատուների դեպքում մալուխային ցանցը կլինի ստորգետնյա: Արդյունքում` կենդանաբանական այգում, այսօրվա դրությամբ առկա 124 լուսավորման լապտերների փոխարեն մայիսին կունենանք 62 լուսատու», - նշեց Կամո Արեյանը:
Կենդանաբանական այգում նոր և էներգախնայող լուսավորության տեղադրման ծրագիրը իրականացվում է ՄԱԿ-ի Զարգացման ծրագրի աջակցության շնորհիվ:
Բաժանորդագրվեք մեր ալիքին Telegram-ում