Բրազիլացիները Փարիզում հաղթել են ֆրանսիացիներին
10:34, 27 Մարտ 2015
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Բրազիլիայի ֆուտբոլի ազգային թիմը ընկերական խաղում հաղթել է ֆրանսիացիներին:
Փարիզի «Ստադ դե Ֆրանս» մարզադաշտում կայացած խաղում ֆրանսիացիները զիջել են մրցակցին 1-3 հաշվով: Տանտերերի կազմում միակ գնդակը հեղինակել է Վարանը, իսկ ահա աշխարհի հնգակի չեմպիոնների կազմում մեկական անգամ աչքի են ընկել Նեյմարը, Օսկարը և Գուստավոն:
«Արմենպրես»-ի հաղորդմամբ, սա բրազիլացիների 7-րդ անընդմեջ հաղթանակն էր, վերջին պարտությունը հարավամերիկացիները կրել են աշխարհի առաջնության երրորդ տեղի համար խաղում` 0-3 հաշվով զիջելով հոլանդացիներին:
Բաժանորդագրվեք մեր ալիքին Telegram-ում