Ֆինանսների նախարարությունը 1 մլրդ դրամի պետական պարտատոմս է հետ գնել
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Ֆինանսների նախարարությունն անցկացրել է պետական (գանձապետական) երկարաժամկետ արժեկտրոնային AMGB20072283 թողարկման պարտատոմսերի հետգնման աճուրդ: Հետգնման ենթակա պարտատոմսերի ծավալը կազմել է 500 մլն դրամ է, հետգնված ծավալը` 430 մլն դրամ, որի դիմաց պետական բյուջեից վճարվել է 374 մլն 155 հազար 821 դրամ:
Ինչպես «Արմենպրես»-ին տեղեկացրին ՀՀ ֆինանսների նախարարության լրատվական ծառայությունից, պարտատոմսերի հետգնման սահմանային եկամտաբերությունը 12.9000 տոկոս է: Հետգնմանը մասնակցել է 1 գործակալ:
Մարտի 26-ին տեղի է ունեցել նաև պետական (գանձապետական) միջնաժամկետ արժեկտրոնային AMGN60294174 թողարկման պարտատոմսերի հետգնման աճուրդ:
Հետգնման ենթակա պարտատոմսերի ծավալը կազմել է 500 մլն դրամ, հետգնման ներկայացված ծավալը՝ 2 մլրդ 27 մլն 161 հազար դրամ, հետգնված ծավալը` 500 մլն դրամ: Պարտատոմսերի հետգնման սահմանային եկամտաբերությունը 13.6800 տոկոս է: Հետգնմանը մասնակցել է 5 գործակալ:
Բաժանորդագրվեք մեր ալիքին Telegram-ում