Ռոբերտո Կարլոսը շնորհավորական ուղերձ է հղել Խորեն Հովհաննիսյանին
20:11, 26 Մարտ 2015
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Ֆուտբոլի Բրազիլիայի ազգային հավաքականի նախկին պաշտպան Ռոբերտո Կարլոսը շնորհավորական ուղերձ է հղել Խորեն Հովհաննիսյանի ծննդյան 60-ամյա տարեդարձի կապակցությամբ:
«Շաբաթ օրը կկայանա մեծ տոն, մեծ տոնախմբություն: Հուսով եմ` կտեսնվենք այդ մեծ իրադարձությանը: Շաբաթ օրը կլինենք Երևանում: Շնորհավո'ր, Խորեն Հովհաննիսյան»,- «Արմենպրես»-ի հաղորդմամբ՝ ասված է հայտնի պաշտպանի ուղերձում:
Մարտի 28-ին Երևանում տեղի կունենա հայկական ֆուտբոլի լեգենդար ներկայացուցիչ Խորեն Հովհաննիսյանի 60-ամյակին նվիրված ընկերական խաղ ԽՍՀՄ և աշխարհի հավաքականների միջև: Աշխարհի հավաքականի կազմում հանդիպմանը կմասնակցի նաև լեգենդար պաշտպան Ռոբերտո Կարլոսը:
Բաժանորդագրվեք մեր ալիքին Telegram-ում