1000х90.jpg (78 KB)

Երևանում՝ 11:07,   28 Մարտ 2024

Ցեղասպանության 100-րդ տարելիցի միջոցառումներ են անցկացվելու Երևանի բոլոր հիմնական դպրոցներում

Ցեղասպանության 100-րդ տարելիցի միջոցառումներ են անցկացվելու Երևանի բոլոր 
հիմնական դպրոցներում

ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Երևանի քաղաքապետի տեղակալ Արամ Սուքիասյանն Երևանի քաղաքապետարանի ենթակայության բոլոր հիմնական դպրոցների տնօրենների մասնակցությամբ խորհրդակցություն է հրավիրել։ Քաղաքապետի տեղակալը տնօրեններին է ներկայացրել Հայոց ցեղասպանության 100-րդ տարելիցի միջոցառումները, դրանք կազմակերպելու ընդհանրացված մոտեցումներն ու սկզբունքները։ Այս մասին «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից:

«Ինչպես գիտեք՝ Երևանի քաղաքապետ Տարոն Մարգարյանը հանդիսանում է ՀՀ Նախագահի գլխավորությամբ գործող՝ Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի անդամ, և Երևանի քաղաքապետարանը, իր ենթակայության կառույցներով, նույնպես գործուն մասնակցություն ունի միջոցառումների անցկացմանը. ակնկալում ենք նաև դպրոցների ակտիվ մասնակցությունը՝ Հայոց ցեղասպանության 100-րդ տարելիցի տարվան ու ոգուն համահունչ ձեռնարկումներով։ Վստահելով ձեր համակազմերի մանկավարժական ու միջոցառումներ կազմակերպելու բազմամյա փորձին՝  այնուամենայնիվ, թույլ տվեք ուղղորդել առաջարկություններով։  Միջոցառումներում մի շարք սկզբունքներ պետք է առանցքային լինեն. «Հիշում եմ և պահանջում» կարգախոսի երկու բաղադրիչներն էլ հավասարապես պետք է շեշտված լինեն։ Միջոցառումները շեշտադրված պետք է լինեն վերածննդի գաղափարով, ինքնապաշտպանական մարտերի դրվագներով. առանցքային պետք է լինի պետության և պետականության, 100-ամյա ընթացքի ձեռքբերումների, այս ընթացքում կայացած անհատականությունների ծավալած գործունեության կարևորությունը։ Բացառե՛ք Ցեղասպանության մասին փաստավավերագրական կադրերի ցուցադրումը միջոցառումների ընթացքում՝ հաշվի առնելով հիմնական դպրոցի աշակերտների տարիքը։ Տարբեր հասարակական ու այլ կազմակերպությունների ցանկացած մասնակցությունը միջոցառումներին կամ գործակցության առաջարկը պետք է քննարկեք քաղաքապետարանի հանրակրթության վարչության հետ»,- շեշտել է Երևանի քաղաքապետի տեղակալ Արամ Սուքիասյանը և հավելել, որ 1915 թվականին՝ Ցեղասպանության խորհրդանշական տարում զոհված հայ գրողների՝ Գրիգոր Զոհրապի, Սիամանթոյի, Դանիել Վարուժանի, Ռուբեն Սևակի անվանակիր դպրոցների միջոցառումները  ներառված են քաղաքապետարանի միջոցառումների ցանկում և պետք է ունենան ոգեղեն մեծ հնչեղություն։

Հանդիպման ավարտին Երևանի քաղաքապետի տեղակալ Արամ Սուքիասյանը կոչ է արել դպրոցների տնօրեններին՝ կրթօջախներն ակտիվ մասնակիցը դարձնել նաև ապրիլի 24-ին ընդառաջ իրականացվող` ապրիլի 11-ի համաքաղաքային շաբաթօրյակին ու ծառատունկին։ 

 

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]