Երևանում կկայանան տեխնոլոգիական և երաժշտական ոլորտների համաշխարհային համաժողովներ
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Տեխնոլոգիական ոլորտի առաջատար մասնագետները ապրիլի 25-ին կհավաքվեն Երևանում` մասնակցելու HIVE ինժեներական համաժողովին: Միջոցառման կազմակերպիչը «Հովնանյան» հիմնադրամն է: Այն տեղի կունենա «Թումո» ստեղծարար տեխնոլոգիաների կենտրոնում: Ինչպես հայտնում է «Արմենպրես»-ը, վկայակոչելով «Թումո»-ի կայքը, Հայաստանում կհյուրընկալվեն Twitter-ի համահիմնադիր Րաֆֆի Կրիկորյանը, Google-ի ինժեներական գծով տնօրեն Դավիդ Սինգլետոնը, Facebook-ից Դեյլ Հարիսոնը, Prezi-ի ներկայացուցիչ Արոն Սոգորը, Issuu-ից Ալեքսանդր Գրոսը, Reddit-ի հիմնադիր Ալեքսիս Օհանյանը: Համաժողովը կներառի ելույթներ, ինտերակտիվ քննարկումներ, ինչպես նաև դեմ առ դեմ հանդիպումներ աշխարահռչակ ընկերությունների առաջնորդների հետ:
Դրան զուգահեռ երգ-երաժշտության սիրահարներն ու մասնագետ երաժիշտները կքննարկեն հայկական երաժշտության նոր մոտեցումները: Սերժ Թանկյանի մասնակցությամբ երաժշտական կատարումներ կհնչեն, որից հետո մասնակիցները կարող են հարցեր ուղղել ներկաներին:
Երկու միջոցառումների մասնակիցները հնարավորություն կունենան շփվել հյուրերի հետ:
Տեխնոլոգիական համաժողովին մասնակցելու համար ցանկացողները կարող են գրանցվել այստեղ, իսկ երաժշտական միջոցառմանը մասնակցելու համար` այստեղ:
Բաժանորդագրվեք մեր ալիքին Telegram-ում