Իսպանացի մրցավարը կսպասարկի Ալբանիա-Հայաստան հանդիպումը
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Եվրոպայի 2016 թ. առաջնության ընտրական մրցաշարի Ալբանիա-Հայաստան հանդիպումը, որը կկայանա Ալբանիայի Էլբասան քաղաքի «Էլբասան Արենա» մարզադաշտում մարտի 29-ին, կսպասարկի իսպանական մրցավարական անձնակազմը` Դավիդ Ֆերնանդես Բորբալանի գլխավորությամբ: Նրա օգնականները կլինեն Ռաուլ Կաբաներո Մարտինեսը և Ռոբերտո Դիաս Պերես Դել Պալոմարը: Չորրորդ պաշտոնյան է Խորխե Կանելո Պրիետոն, իսկ մրցավարի լրացուցիչ օգնականներն են Կառլոս Կլոս Գոմեսը և Պեդրո Պերես Մոնտերոն:
Դավիդ Ֆերնանդես Բորբալանը 2011թ. սպասարկել է Հայաստանի գավաթի խաղարկության «Շիրակ»-«Միկա» եզրափակիչը: «Արմենպրես»-ի հաղորդմամբ, այս մասին տեղեկացնում է Հայաստանի ֆուտբոլի ֆեդերացիան:
Նախօրեին ազգային հավաքականը բաց մարզում անցկացրեց, որին ներկա էին ԶԼՄ-ները, ինչպես նաև ՀՖՖ նախագահը ներկայացրեց ազգային թիմի նորեկներին` Գաել Անդոնյանին և Ռուսլան Կորյանին:
Բաժանորդագրվեք մեր ալիքին Telegram-ում