Վլադիմիր Կրամնիկը չի ժամանի աշխարհի առաջնությանը
ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Ռուսաստանի շախմատի հավաքականի առաջատար Վլադիմիր Կրամնիկը չի ժամանի Հայաստան` շախմատի աշխարհի թիմային առաջնությանը:
Աշխարհի նախկին չեմպիոնը իր երկրի հավաքականին չի օգնելու ապրիլին Հայաստանում կայանալիք առաջնության ժամանակ: «Վլադիմիրը չի խաղա հավաքականի կազմում աշխարհի առաջնության ժամանակ, քանի որ այդ նույն շրջանում խաղալու է Ադրբեջանում` Գաշիմովի հուշամրցաշարում»,-«Արմենպրես»-ի հաղորդմամբ, Ռուսաստանի շախմատի ֆեդերացիայի գործադիր տնօրեն Մարկ Գլուխովսկին ասել է R-sport կայքին:
Աշխարհի շախմատի թիմային առաջնությունը, որն այս տարի կկայանա Հայաստանում, կհյուրընկալի Ծաղկաձորը: Թիմային առաջնությունը տեղի կունենա ապրիլի 18-29-ը: Աշխարհի շախմատի թիմային առաջնության մասնակիցներն են Հայաստանի, Ռուսաստանի, Չինաստանի, Հունգարիայի, Հնդկաստանի, ԱՄՆ-ի, Եգիպտոսի, Ուկրաինայի, Կուբայի և Իսրայելի հավաքականները: Հայաստանում կայացել է նաև 2014 թվականի Եվրոպայի անհատական առաջնությունը: Հին աշխարհի առաջնությունը հյուրընկալել էր քաղաքամայր Երևանը:
Բաժանորդագրվեք մեր ալիքին Telegram-ում