Ոստիկանները հայտնաբերել են թիվ 58 երթուղայինում գողություն կատարած տղամարդուն
14:34, 5 Մարտ 2015
ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: Ոստիկանության Արաբկիրի բաժին մարտի 3-ին` ժամը 20.30-ին, բերման է ենթարկվել 1987թ. ծնված Լևոն Ա.-ն: Խուզարկությամբ նրա մոտ հայտնաբերվել է դրամապանակ, որի մեջ եղել է գումար և բանկային երկու քարտ: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, Լևոն Ա.-ն խոստովանել է, որ դրամապանակը ժամը 19.40-ի սահմաններում գողացել է թիվ 58 երթուղու միկրոավտոբուսում՝ ուղևորուհու պայուսակից: Պարզվել է, որ դրամապանակը պատկանում է 1990թ. ծնված Նարինե Հ.-ին: Կատարվում է հետաքննություն:
Բաժանորդագրվեք մեր ալիքին Telegram-ում