Պաշտպանության նախարարը հանձնարարել է լուծել մեկ տասնյակից ավելի քաղաքացիների խնդիրները
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: ՀՀ պաշտպանության նախարարության վարչական համալիրում անցկացվեց ՀՀ պաշտպանության նախարարի ամենամսյա հանդիպումը նախապես ցուցակագրված քաղաքացիների հետ: Ինչպես «Արմենպրես»-ին տեղեկացրին ՀՀ ՊՆ տեղեկատվության և հասարակայնության հետ կապի վարչությունից, նախարար Սեյրան Օհանյանն ընդունել է մեկ տասնյակից ավելի քաղաքացիների, ում խնդրանքները վերաբերում էին սոցիալական, կադրային և առողջական հարցերին ու ոլորտներին:
Քաղաքացիների ընդունելությանը ներկա էին ՊՆ, ԶՈւ և ԶՈւ ԳՇ մի շարք վարչությունների պետեր, բարձրաստիճան այլ զինվորականներ, քաղաքացիական հատուկ ծառայողներ: Ծանոթանալով քաղաքացիներին հուզող խնդիրներին, նրանց դիմումներին և լսելով համապատասխան ստորաբաժանումների ղեկավարների պարզաբանումները` պաշտպանության նախարարը տեղում լուծումներ առաջարկեց բարձրաձայնված հարցերին, տվեց կոնկրետ հանձնարարականներ:
Նշված խնդրանքների զգալի մասին պաշտպանական գերատեսչության ղեկավարը տվեց դրական ընթացք, իսկ ընդունելությանը մասնակից քաղաքացիներից շատերի խնդիրներն էլ լուծվեցին հենց հանդիպման ընթացքում:
Բաժանորդագրվեք մեր ալիքին Telegram-ում