Թուրքիայի օդուժի հրամանատարը ժամանում է Բաքու
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Թուրքիայի ռազմաօդային ուժերի հրամանատար Աքըն Օզթուրքը մարտի 4-ին պաշտոնական այցով կժամանի Ադրբեջան:
Այս մասին, ինչպես հաղորդում է «Արմենպրես»-ը, հայտնում են ադրբեջանական ԶԼՄ-ները` հղում կատարելով Ադրբեջանի պաշտպանության նախարարության մամուլի ծառայությանը:
Այցի ընթացքում ծրագրված են մի շարք հանդիպումներ Ադրբեջանի ՊՆ ղեկավարության հետ: Այցը կշարունակվի մինչեւ մարտի 6-ը:
Ադրբեջանական ԶԼՄ-ները հայտնում են, որ Ադրբեջանի ռազմաօդային ուժերի 3 կործանիչներ եւ 106 զինծառայողներ մասնակցում են Թուրքիայի Կոնիա քաղաքի մոտ անցկացվող թուրք-ադրբեջանական «Արծիվ 2015» զինավարժություններին, որին մասնակցում են նաեւ Թուրքիայի ռազմաօդային ուժերը: Զինավարժություններին մասնակցում են ՄԻԳ-29 եւ F-16 կործանիչներ: Վարժանքները սկսվել են մարտի 3-ին եւ պետք է շարունակվեն մինչեւ ապրիլի 2-ը:
Բաժանորդագրվեք մեր ալիքին Telegram-ում