Ադրբեջանում հայրասպանության դեպքերը ավելանում են
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Ադրբեջանում որդու կողմից հոր հերթական սպանությունն է տեղի ունեցել:
Ինչպես հաղորդում է «Արմենպրես»-ը` վկայակոչելով ադրբեջանական ԶԼՄ-ները, միջադեպն այսօր գրանցվել է Բաքվի Սուրախանիի շրջանի Ենի Սուրախանը ավանում: Ավանի բնակիչ Աղաալի Բայրամօղլու Թաղիեւը (ծնվ. 1983թ.) մորթել է իր հորը` Բայրամալի Թաղիեւին (ծնվ. 1958 թ.): Հայրասպանության պատճառը հայտնի չէ: Ա.Թաղիեւը ձերբակալվել է: Փաստի առնչությամբ քրեկան գործ է հարուցվել: Կատարվում է հետաքննություն:
Փետրվարի 26-ին APA լրատվական գործակալությունը հայտնել էր, որ Ադրբեջանի մայրաքաղաք Բաքվի «20-րդ հատված» թաղամասում Քամիլ Էլման օղլու Սադըխովը, դանակի բազմաթիվ հարվածներ է հասցրել իր 57-ամյա հորը` Էլման Աղավերդի օղլու Սադըխովին, ով որոշ ժամանակ հետո մահացել է հիվանդանոցում:
Ադրբեջանական ԶԼՄ-ների տվյալներով` 2015 թվականի սկզբից մինչ այժմ Ադրբեջանում հայրասպանության 5 դեպք է տեղի ունեցել:
Բաժանորդագրվեք մեր ալիքին Telegram-ում