«ԱրմենՏել»-ի երևանյան գրասենյակից բջջային հեռախոսներ գողացողին հայտնաբերել են Բագրատաշենում
12:21, 3 Մարտ 2015
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Ոստիկանության Մաշտոցի բաժնում հաղորդում էր ստացվել, որ Երևանի Բաշինջաղյան փողոցում գործող «ԱրմենՏել» ՓԲԸ գրասենյակի ցուցապահարանից գողացել են 2 բջջային հեռախոս: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ գողությունը կատարել է 1976թ. ծնված Արթուր Բ.-ն: Օրերս նա հայտնաբերվել է Բագրատաշենում և ոստիկանության Բագրատաշենի բաժանմունքից բերման ենթարկվել Մաշտոցի բաժին: Կատարվում է քննություն:
Բաժանորդագրվեք մեր ալիքին Telegram-ում