Ժողովրդական վարպետ Նելլի Գևորգյանը կներկայացնի իր աշխատանքները
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Հովհաննես Շարամբեյանի անվան ժողովրդական ստեղծագործության կենտրոնում մարտի 3-ին կբացվի ժողովրդական վարպետ Նելլի Գևորգյանի անհատական ցուցահանդեսը: Ինչպես «Արմենպրես»ին տեղեկացրին կենտրոնից, ցուցահանդեսը նվիրված է գարնանամուտին և Ցեղասպանության 100-րդ տարելիցին:
Արդեն 12-րդ տարի անընդմեջ Շարամբեյանի անվան ժողովրդական ստեղծագործության կենտրոնում բացվում է ԵՊՀ պատմության թանգարանի արխիվի վարիչ, ժողովրդական վարպետ Նելլի Գևորգյանի անհատական ցուցահանդեսը: Հեղինակը ներկայացնում է նոր 35 կոլաժային աշխատանքներ: Կոլաժներներից բացի, Նելլի Գևորգյանը հեղինակ է նաև մի շարք բանաստեղծությունների և ավելի քան 150 աքրոստիկոսների: Ցուցահանդեսը բաց կլինի մինչև մարտի 13-ը: Ցուցահանեսի անցկացմանն աջակցում է ՀՀ մշակույթի նախարարությունը:
Բաժանորդագրվեք մեր ալիքին Telegram-ում