Նախագահի թոշակ ստացողների շարքում կլինեն նաև հաշմանդամներ
ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: ՀՀ նախագահ Սերժ Սարգսյանն իր աջակցությունը և համաձայնությունն է տվել ՀՀ սպորտի և երիտասարդության հարցերի նախարարության հաշմանդամային սպորտի և համալիր գիտական խմբերի ձևավորմանը:
Նախարար Ղազարյանը հանդիպել է ՀՀ նախագահ Սերժ Սարգսյանի հետ՝ ներկայացնելով պլանային հաշվետվություն: «Երկրի նախագահն իր հավանությունը տվեց երկրում սպորտի զարգացմանն ուղղված ծրագրերին: հաշմանդամային սպորտը զարգացնելու միտումներ կան»,-ասաց սպորտի և երիտասարդության հարցերի նախարարը:
Ղազարյանը փաստեց նաև, որ ծրագրերում կա հաշմանդամների համար հատուկ սպարտակիադա անցկացնելու դրույթ: «Նախագահի թոշակ ստացողների շրջանակում ընդգրկվելու են նաեւ հաշմանդամ մարզիկները: Նպատակ ունենք այս բոլոր ծրագրերը կայքնի կոչել այս տարվա ընթացքում: Մենք պետք է մեծ ուշադրություն դարձնենք հաշմանդամներին, նրանք մեր հասարակության լիիրավ մասն են»,-«Արմենպրես»-ի հաղորդմամբ, փաստեց նախարարը:
ՀՀ վարչապետի գավաթի ֆուտբոլային միջոցառումն այս տարի կփոխարինվի այլ մարզաձևով: «ՀՀ վարչապետի հետ նախական համաձայնության ենք եկել, որ այս տարի վարչապետի գավաթը անցկացնենք այլ մարզաձևից»,-եզրափակեց Նախարարը:
Բաժանորդագրվեք մեր ալիքին Telegram-ում