Մինո Ռայոլան վստահ է, որ Մխիթարյանը կկարողանա «Յուվենթուս»-ում փոխարինել Պոլ Պոգբային
ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: Ֆուտբոլային հայտնի գործակալ Մինո Ռայոլան վստահություն է հայտնել, որ Հայաստանի ազգային հավաքականի կիսապաշտպան Հենրիխ Մխիթարյանը կարող է իտալական «Յուվենթուս»-ում փոխարինել ֆրանսիացի կիսապաշտպան Պոլ Պոգբային, եթե իտալական ակումբը որոշի վաճառել վերջինիս:
Ինչպես հաղորդում է «Արմենպրես»-ը՝ Մինո Ռայոլան Gazetta dello sport-ին տված հարցազրույցում նշել է, որ եթե «Յուվենթուս»-ը վաճառի Պոգբային, նրա տրանսֆերի դիմաց ստացած գումարով կկարողանա կառուցել նոր թիմ, որն ունակ կլինի նվաճել Չեմպիոնների լիգայի գավաթը: ««Յուվենթուս»-ի տրանսֆերներից մեկը կարող է դառնալ Հենրիխ Մխիթարյանը: Նրա և «Բորուսիա»-ի միջև զգացմունքները վաղուց անցյալում են»,- հայտարարել է Ռայոլան:
Ֆուտբոլային հայտնի գործակալ Մինո Ռայոլան նաև Հենրիխ Մխիթարյանի գործակալն է:
Բաժանորդագրվեք մեր ալիքին Telegram-ում