1000х90.jpg (78 KB)

Երևանում՝ 11:07,   28 Մարտ 2024

ՀՀ Զինված ուժերում բժշկությունը բարձր մակարդակի վրա է

ՀՀ Զինված ուժերում բժշկությունը բարձր մակարդակի վրա է

ԵՐԵՎԱՆ, 28 ՀՈՒՆՎԱՐԻ, ԱՐՄԵՆՊՐԵՍ: Հայաստանի Հանրապետության Զինված ուժերում բժշկությունը բավականին բարձր մակարդակի վրա է: Այս մասին ՀՀ նախագահական նստավայրում տեղի ունեցած պարգևատրման արարողությունից հետո լրագրողների հետ զրույցում նշեց Կենտրոնական կլինիկական զինվորական հոսպիտալի տնօրեն Արամ Ասատուրյանը, ով ՀՀ Նախագահի կողմից Բանակի օրվա կապակցությամբ պարգևատրվել է Հերացու անվան մեդալով: «Անցած 23 տարիների ընթացքում բավականին մեծ առաջընթաց ենք ապրել: Բոլոր մասնագետները շատ լավ պատրաստված են: Մասնագետներ պատրաստելու գործընթացը շարունակվում է: Նրանք վերապատրաստվում են տարբեր երկրների առաջատար կլինիկաներում»,- «Արմենպրես»-ի հաղորդմամբ՝ հայտնեց Ասատուրյանը՝ վստահեցնելով, որ իրենք լիովին կարողանում են կատարել իրենց առջև դրված մասնագիտական և մարտական խնդիրները: 

Արամ Ասատուրյանը նաև նշեց, որ մարտական պատրաստության պլանի համաձայն՝ բոլոր ժամկետային զինծառայողներն անցնում են ռազմաբժշկական տեսական և գործնական դասընթացներ: «Ամեն ինչ կազմակերպվում է ժամանակին, և մեր զինծառայողները տիրապետում են առաջին բուժօգնության հիմունքներին: Նրանք նաև պատրաստ են քաղաքացիական կյանքում կիրառել բանակում ձեռք բերած գիտելիքները»,- վստահեցրեց Ասատուրյանը:

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]