Ախալքալակում կբարեկարգվի ոռոգման համակարգը
16:28, 28 Հունվար 2015
ԹԲԻԼԻՍԻ, 28 ՀՈՒՆՎԱՐԻ, ԱՐՄԵՆՊՐԵՍ: Ախալքալակի շրջանում գյուղատնտեսական նպատակների համար կբարեկարգվի ոռոգման համակարգը: Ինչպես հաղորդում է «Արմենպրես»-ը, վկայակոչելով Վրաստանում Ճապոնիայի դեսպանատան տարածած հաղորդագրությունը, ծրագիրը հնարավոր կլինի իրականացնել Վրաստանի և Ճապոնիայի կառավարությունների միջև կնքված համաձայնագրի շնորհիվ, որի ստերագրումը տեղի ունեցավ հունվարի 28-ին Վրաստանում Ճապոնիայի դեսպանատանը:
Ախալքալակի շրջանում իրականացվելիք ծրագրի համար կտրվի 87.542 ԱՄՆ դոլարի համարժեք գումար: Նույն ծրագրի շրջանակներում Ճապոնիայի կառավարությունը Վրաստանի Կարմիր Խաչին կտրամադրի 90.992 ԱՄՆ դոլար` Կախեթիում առաջնային օգնության կլինիկայի համար բուժսարքավորումների գնման համար:
Բաժանորդագրվեք մեր ալիքին Telegram-ում