1000х90.jpg (78 KB)

Երևանում՝ 11:07,   28 Մարտ 2024

Սփյուռքի նախարարն ընդունել է լիբանանահայ գործիչների

Սփյուռքի նախարարն ընդունել է լիբանանահայ գործիչների

ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: Սփյուռքի նախարար Հրանուշ Հակոբյանը հունվարի 27-ին ընդունել է Լիբանանի նախկին պետնախարար, գեներալ Փանոս Մանճյանին և Հայ բարեգործական ընդհանուր միության Հայ երիտասարդաց միության կենտրոնական մարմնի անդամ,  Հայոց ցեղասպանության 100-րդ տարելիցի Լիբանանի կենտրոնական մարմնի անդամ Արթուր Գունդակչյանին:

Ինչպես «Արմենպրեսե-ին  տեղեկացրին ՀՀ սփյուռքի նախարարության մամուլի եւ հասարակայնության հետ կապերի վարչությունից, զրույցի ընթացքում նախարարը բարձր է գնահատել Հայոց ցեղասպանության ճանաչման, դատապարտման և հետևանքների վերացման գործընթացում Լիբանանի հայ համայնքի ներդրումը: Քննարկվել են Մերձավոր Արևելքի աշխարհաքաղաքական զարգացումների, Լիբանանի հայկական համայնքի առջև ծառացած խնդիրների վերաբերյալ մի շարք հարցեր: Կողմերն անդրադարձել են Սիրիայի հայ համայնքի հիմնախնդիներին  և դրանց լուծման ուղղությամբ Հայաստանի Հանրապետության կողմից իրականացված քայլերին, առաջիկա անելիքներին, Սփյուռքի նախարարության իրականացրած աշխատանքներին:

Հյուրերը շնորհակալություն են հայտնել ջերմ ընդունելության համար և հավաստիացրել, որ Լիբանանի հայ համայնքը առավել մեծ ջանքեր կներդնի Հայոց ցեղասպանության 100-րդ տարելիցի միջոցառումները հավուր պատշաճի իրականացնելու ուղղությամբ:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]