«Փյունիկ»-ն առաջնությանը նախապատրաստվում է Ավանի ֆուտբոլի ակադեմիայում
21:33, 27 Հունվար 2015
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: Երեւանի «Փյունիկ»-ը շարունակվում է նախապատրաստվել Հայաստանի առաջնության գարնանային հատվածին Ավանի ֆուտբոլի ակադեմիայում։ «Արմենպրես»-ի հաղորդմամբ` հունվարի 27-ին գլխավոր թիմը երկկողմանի հանդիպում է անցկացրել, որտեղ կապույտները 5:2 հաշվով առավելության են հասել սպիտակների նկատմամբ:
Հաշիվը բացվել է առաջին խաղակեսում, երբ Մասիս Ոսկանյանի փոխանցումից հետո դարպասը գրավել է Դավիթ Մանոյանը: Վերջինս, մասնակցելով միայն առաջին խաղակեսին, ձևակերպել է դուբլ: Դուբլի հեղինակ դարձել են նաև Սեզար Ռոմերոն և Կարեն Եսայանը, իսկ մեկ անգամ դարպասի գրավումով աչքի է ընկել Ռազմիկ Հակոբյանը:
Փետրվարի սկզբներին երևանյան ակումբն ուսումնամարզական հավաքի կմեկնի Անթալիա:
Բաժանորդագրվեք մեր ալիքին Telegram-ում