Թուրքիայի մեջլիսի նախագահը պատրաստ է առերեսվել սեփական պատմությանը
12:34, 27 Հունվար 2015
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: Թուրքիայի ազգային մեծ ժողովի նախագահ Ջեմիլ Չիչեքը, ով պաշտոնական այցով գտնվում է Չեխիայի Հանրապետությունում, կրկին անդրադարձել է Հայոց ցեղասպանությանն ու հայկական հարցին:
Ինչպես հաղորդում է «Արմենպրես»-ը, այս մասին տեղեկացնում է թուրքական Haberler.com-ը:
Նա հերթական անգամ քննադատել է տարբեր երկրների խորհրդարանները, որոնք բանաձևեր են քննարկում Հայոց ցեղասպանության վերաբերյալ: «Խորհրդարանները միջազգային քրեական դատարաններ չեն: Անցյալում տեղի ունեցած դեպքերի վերաբերյալ որոշումներ պետք է կայացնեն պատմաբանները: Մենք պատրաստ ենք առերեսվել մեր պատմության հետ»,- հայտարարել է Չիչեքը` համոզմունք հայտնելով, որ «խորհրդարաններում խնդրի ընդունումը խեղաթյուրում է «ցեղասպանության» իմաստը»:
Բաժանորդագրվեք մեր ալիքին Telegram-ում