Հայաստանի ըմբշամարտի հավաքականի անդամը կազատվի զինվորական ծառայությունից
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: Ազատ ոճի ըմբշամարտի Հայաստանի հավաքականի անդամ Մուսա Մուրտազալիևը (ծնված՝ 1988 թվականի մայիսի 26-ին, բնակության վայրը` ք. Երևան, Աբովյան, 9) կազատվի պարտադիր զինվորական ծառայությունից:
«Արմենպրես»-ի հաղորդմամբ՝ այս մասին որոշման նախագիծն ընդգրկված է ՀՀ կառավարության հունվարի 30-ի նիստի օրակարգում:
Մուրտազալիևը հանդես է գալիս 74 կիլոգրամ քաշային կարգում, հանդիսանում է 2011-2014 թվականների Եվրոպայի առաջնությունների երկրորդ և երրորդ մրցանակակիր, միջազգային մրցաշարերի հաղթող:
Մուրտազալիևը ազատ ոճի ըմբշամարտի Հայաստանի Հանրապետության հավաքական թիմի կազմում նախապատրաստվում է մասնակցելու 2016 թվականին Ռիո դե Ժանեյրոյի ամառային օլիմպիական խաղերին, ինչպես նաև 2015 թվականի Եվրոպայի և աշխարհի առաջնություններին։
Նա հաշվառված է Կենտրոնի տարածքային զինվորական կոմիսարիատում:
Բաժանորդագրվեք մեր ալիքին Telegram-ում