ԵՐԵՎԱՆ, 26  ՀՈՒՆՎԱՐԻ, ԱՐՄԵՆՊՐԵՍ: Հայաստանի հունահռոմեական ըմբշամարտի հավաքականի մարզիկ Սամվել Գևորգյանի կարծիքով, առաջնությունում անակնկալներ չգրանցվեցին:

«Ումից սպասում էինք հաղթական գոտեմարտեր, նրանք էլ դարձան չեմպիոններ»,-ասաց Սամվել Գևորգյանը: Վերջինիս խոսքով, աշխարհի գավաթի մասնակիցները կորոշվեն Լևոն Ջուլֆալակյանի` հիվանդանոցից դուրս գրվելուց հետո:

«Արմենպրես»-ի հաղորդմամբ, Վանաձորի Ստեփան Սարգսյանի անվան մարզապալատում  ավարտվեց հունահռոմեական ոճի ըմբշամարտի Հայաստանի առաջնությունը: Ստուգատեսում 8 քաշային կարգերում հանդես եկան հանրապետության բոլոր ուժեղագույն ըմբիշները՝ բացառությամբ աշխարհի չեմպիոններ Արթուր Ալեքսանյանի եւ Արսեն Ջուլֆալակյանի, ովքեր ազատված էին առաջնությանը մասնակցելու պարտավորությունից: Մրցաշարը բաց թողեց նաեւ 66 կգ քաշային կարգում Հայաստանի 2014 չեմպիոն Միհրան Հարությունյանը, ով նախօրեին առողջական խնդիրների պատճառով հոսպիտալացվել էր: