Գյումրու քաղաքապետը պարգևատրել է տարբեր ոլորտների ներկայացուցիչների
ԳՅՈՒՄՐԻ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Ամանորի նախաշեմին Գյումրու քաղաքապետ Սամվել Բալասանյանը հանդիպեց մի շարք ոլորտների գյումրեցի ներկայացուցիչների հետ: Շնորհավորելով ներկաներին՝ քաղաքապետը հակիրճ ներկայացրեց այս տարվա ձեռքբերումները՝ միաժամանակ բարձր գնահատելով ոլորտի ներկայացուցիչների ներդրումը: Ամփոփելով անցնող տարին՝ Սամվել Բալասանյանը շնորհակալություն է հայտնել արդյունավետ համագործակցության և 2014 թվականին կատարված մեծածավալ աշխատանքների համար:
Հանդիպման ընթացքում տարբեր« այդ թվում՝ սպորտի« մշակույթի« ոստիկանության« առողջապահության« ծառայությունների մատուցման« գիտության« կրթության և այլ ոլորտներում առավել նշանակալի ներդրում ունեցած գործիչների քաղաքապետը հանձնել է պատվոգրեր և հուշամեդալներ: Շնորհակալություն հայտնելով քաղաքապետին ուշադրության և բարձր գնահատանքի համար« պարգևատրվածները նշեցին« որ այսպիսով իրենք ավելի են պարտավորվում ակտիվ և ջանասեր աշխատանքով նպաստել սիրելի քաղաքի զարգացմանը և բարգավաճմանը:
Արմենուհի Մխոյան
Բաժանորդագրվեք մեր ալիքին Telegram-ում