Արդարադատության նախարարության համար «Արմենպրես»-ն ամենաօպերատիվն է
ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ արդարադատության նախարարի տարեմուտի ընդունելությունը նշանավորվեց տարբեր անվանակարգերում լրատվամիջոցներին մրցանակներ հանձնելով: «Արմենպրես» լրատվական գործակալությունն ամենաօպերատիվ լուսաբանման համար նախարարությունից շնորհակալագիր ստացավ: Նախարար Հովհաննես Մանուկյանը կարևորեց լրատվամիջոցների հետ աշխատանքը, խոստացավ հետագայում էլ բաց լինել: Որեւէ թեմա չի սահմանափակվի, իսկ նախարարությունը շնորհակալ կլինի լրագրողներին` «սուր աչքի» համար: «Փորձում ենք խտրականություն չդնել եւ որեւէ քիչ թե շատ կարեւոր միջոցառմանը մասնակից դարձնել բոլոր լրատվամիջոցներին, փորձում ենք մեր ամենօրյա աշխատանքում լինել մաքսիմալ բաց ու թափանցիկ: Ուզում եմ միմյանց գործունեությունը, խոսքը գնահատականն ավելի հանդուրժող ընդունենք»,-ասաց նախարարը:
Բաժանորդագրվեք մեր ալիքին Telegram-ում