Լիլիթ Մկրտչյանը կայծակնային շախմատի Եվրոպայի առաջնությունում վաստակեց 13,5 միավոր
18:11, 20 Դեկտեմբեր 2014
ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Լեհաստանի Վրոցլավ քաղաքում կայացավ կայծակնային շախմատի Եվրոպայի առաջնությունը, որտեղ Սերգեյ Գրիգորյանցը 22 հնարավորից վաստակեց 15, Լիլիթ Մկրտչյանը` 13,5, Տիգրան Ս. Պետրոսյանը` 13 միավոր: 19 միավորով չեմպիոն դարձավ Դավիդ Նավարան (Չեխիա):
«Արմենպրես»-ի հաղորդմամբ, այս մասին տեղեկացնում է Armchess կայքը: Դեկտեմբերի 20-21-ին Վրոցլավում կանցկացվի արագ շախմատի Եվրոպայի առաջնությունը:
Կայծակնային եւ արագ շախմատի Եվրոպայի առաջնություններին, ընդհանուր առմամբ, մասնակցում են ռեկորդային թվով շախմատիստներ: Առաջնության կազմակերպիչն է Լեհաստանի շախմատի ֆեդերացիան:
Բաժանորդագրվեք մեր ալիքին Telegram-ում