Պետք է փորձենք դանակի դեմ խաղաղությամբ պայքարել. Արոնյանը Բաքվում կայանալիք աշխարհի գավաթի մասին
ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Շախմատի Հայաստանի հավաքականի առաջատար Լևոնի Արոնյանի կարծիքով` աշխարհի գավաթի Բաքվում կայանալիք մրցաշարում հայ մարզիկների մասնակցությունը բարդ և ցավոտ խնդիր է:
«Գիտեք` այդ հարցը շատը բարդ և ցավոտ է: Ես մասնակցելու մտադրություն ունեմ, սակայն մտածելու շատ հարցեր կան: Դեռ պետք խոսենք, մտածենք այդ ուղղությամբ: Ես կարծում եմ, որ, գուցե, ասածս քրիստոնեական կհնչի, բայց պետք է փորձենք դանակի դեմ խաղաղությամբ պայքարել»,- «Արմենպրես»-ի հաղորդմամբ, լրագրողների հետ զրույցում ասաց Լևոն Արոնյանը:
Նրա խոսքով` նման որոշումները դժվար են կայացվում: «Ամեն մարդ իր մեջ պետք է որոշի` մասնակցել նմանատիպ մրցումների: Ես ինքս շատ եմ ցանկանում և մինչև հիմա էլ պատասխան չունեմ»,- շեշտեց Արոնյանը:
Շախմատի աշխարհի գավաթի խաղարկության առաջին շրջանը կկայանա Բաքվում 2015 թվականի հոկտեմբերին:
Բաժանորդագրվեք մեր ալիքին Telegram-ում