Թիվ 259 երթուղու ավտոբուսում գողության դեպք է արձանագրվել
14:55, 18 Դեկտեմբեր 2014
ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Ճանապարհային ոստիկանության 2-րդ սպայական գումարտակի 3-րդ վաշտի 1-ին դասակի ծառայողները դեկտեմբերի 17-ին` ժամը 13.30-ին, Աբովյան քաղաքի Հանրապետության և Պիոներական փողոցների խաչմերուկից, գողություն կատարելու կասկածանքով, բերման են ենթարկել 1970թ. ծնված Անահիտ Ն.-ին: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, Անահիտ Ն.-ն խոստովանել է, որ նույն օրը թիվ 259 երթուղու ավտոբուսում գողացել է մի կնոջ դրամապանակը՝ գումարով: Անահիտ Ն-ն ներկայացրել է գողացածը: Նույն օրը` ժամը 14.00-ին, տուժողից ընդունվել է հաղորդում: Կատարվում է հետաքննություն:
Բաժանորդագրվեք մեր ալիքին Telegram-ում