Միջբանկային շուկայում մեկ շաբաթում իրականացվել է 1,7 մլն ԱՄՆ դոլարի առք եւ վաճառք
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Միջբանկային շուկայում նոյեմբերի 24-28-ն ընկած ժամանակահատվածում իրականացվել է 1,7 մլն ԱՄՆ դոլարի առք եւ վաճառք` 435.13 դրամ մեկ ԱՄՆ դոլարի դիմաց միջին փոխարժեքով: Այս մասին հաղորդում է «Արմենպրես»-ը՝ վկայակոչելով ԿԲ հասարակայնության հետ կապերի ծառայությունը:
Նույն ժամանակահատվածում արտարժույթի ներբանկային շուկայում բանկերի կողմից գնվել է 117 մլն 840 հազար 305 դոլար` 429.35 դրամ ԱՄՆ մեկ դոլարի դիմաց միջին փոխարժեքով, եւ վաճառվել` 133 մլն 481 հազար 811 ԱՄՆ դոլար` 431.78 դրամ ԱՄՆ մեկ դոլարի դիմաց միջին փոխարժեքով:
«ՆԱՍԴԱՔ ԱՐՄԵՆԻԱ» ԲԲԸ-ում նշված ժամանակահատվածում իրականացվել է 45 մլն 540 հազար ԱՄՆ դոլարի առք եւ վաճառք` 434.87 դրամ մեկ ԱՄՆ դոլարի դիմաց միջին փոխարժեքով:
Միջբանկային շուկայում իրականացվել է 1,7 մլն ԱՄՆ դոլարի առք եւ վաճառք` 435.13 դրամ մեկ ԱՄՆ դոլարի դիմաց միջին փոխարժեքով:
Արտարժույթի ներբանկային շուկայում բանկերի կողմից գնվել է 7 մլն 761 հազար 195 եվրո` 533.75 դրամ մեկ եվրոյի դիմաց միջին փոխարժեքով, եւ վաճառվել` 17 մլն 712 հազար 976 եվրո` 540.88 դրամ մեկ եվրոյի դիմաց միջին փոխարժեքով:
Միջբանկային շուկայում գործարք չի իրականացվել: «ՆԱՍԴԱՔ ԱՐՄԵՆԻԱ» ԲԲԸ-ում նշված ժամանակահատվածում գործարք չի իրականացվել: Արտարժույթի ներբանկային շուկայում բանկերի կողմից գնվել է 651 մլն 910 հազար 826 ՌԴ ռուբլի` 9.22 դրամ մեկ ռուբլու դիմաց միջին փոխարժեքով, եւ վաճառվել` 248 մլն 54 հազար 758 ՌԴ ռուբլի` 9.054դրամ մեկ ռուբլու դիմաց միջին փոխարժեքով: Միջբանկային շուկայում գործարք չի իրականացվել: «ՆԱՍԴԱՔ ԱՐՄԵՆԻԱ» ԲԲԸ–ում նշված ժամանակահատվածում գործարք չի իրականացվել:
Նոյեմբերի 17-23-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 39.9 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 51.7 մլն ԱՄՆ դոլար:
Բաժանորդագրվեք մեր ալիքին Telegram-ում