Բեռնափոխադրողները ծանոթացել են ԵՏՄ-ին ՀՀ-ին միանալու առանձնահատկություններին
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Եվրասիական տնտեսական միությանը ՀՀ միանալու պայմանագրից բխող տրանսպորտային հարցերին պարզաբանումներ տալու, տրանսպորտային ոլորտում նախատեսվող իրավական փոփոխությունները քննարկելու, հետագա աշխատանքներն արդյունավետ կազմակերպելու նպատակով ՀՀ տրանսպորտի և կապի նախարարությունում նոյեմբերի 28-ին տեղի է ունեցել կլոր սեղան-քննարկում։ Ինչպես «Արմենպրես»-ին տեղեկացրին նախարարության լրատվական ծառայությունից, քննարկմանը մասնակցել են ՀՀ տրանսպորտի և կապի նախարարի առաջին տեղակալ Արթուր Առաքելյանը, տրանսպորտի վարչության պետի տեղակալ, բեռնափոխադրումների քաղաքականության բաժնի պետ Դավիթ Մելքոնյանը, բեռնափոխադրումներ իրականացնող ընկերությունների բազմաթիվ ներկայացուցիչներ։
ՀՀ տրանսպորտի և կապի նախարարի առաջին տեղակալ Արթուր Առաքելյանը ներկաներին հանգամանորեն ներկայացրել է, թե որոնք են տրանսպորտի ոլորտում ԵՏՄ-ին միանալու առանձնահատկությունները։
Բարձրացված բոլոր հարցերին տրվել են սպառիչ պատասխաններ։
Կլոր սեղան-քննարկման մասնակիցներն արձանագրել են, որ պայմանագրին միանալուց հետո գործունեության ընթացքում չեն առաջանա խնդիրներ և խոչընդոտներ, իսկ նախարարության տված պարզաբանումները լիարժեք են և բավարար։
Արթուր Առաքելյանը նշել է, որ ԵՏՄ-ին ՀՀ անդամակցելու ինչպես առաջին շրջանում, այնպես էլ հետագայում նախարարությունը պատրաստակամ է բեռնափոխադրումներ իրականացնող ընկերություններին տրամադրել անհրաժեշտ խորհրդատվություն և օժանդակում։
Բաժանորդագրվեք մեր ալիքին Telegram-ում