Կամերային նվագախումբը հանդես կգա մի շարք մենակատարների հետ
18:32, 28 Նոյեմբեր 2014
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի պետական կամերային նվագախումբը համերգային երեկոյի ընթացքում հանդես կգա մի շարք տաղանդավոր մենակատարների հետ: Ինչպես «Արմենպրես»-ին տեղեկացրին Կամերային երաժշտության ազգային կենտրոնից, իրադարձությունը տեղի կունենա դեկտեմբերի 1-ին Կոմիտասի անվան կամերային երաժշտության տանը:
Նվագախմբի հետ ելույթ կունենան Արմինե Գրիգորյանը /դաշնամուր/, Սառա Ուրենան /պիկոլո- ֆլեյտա/, Սաթենիկ Հակոբյան-Ուլիխանյանը /տերմենվոքս/, Գայանե և Անահիտ Մարգարյանները /դաշնամուր/: Ծրագրում կհնչեն Վիվալդիի, Չայկովսկու, Բախի, Բրամսի ստեղծագործությունները: Որպես դիրիժոր հանդես կգա Հարություն Արզումանյանը:
Բաժանորդագրվեք մեր ալիքին Telegram-ում