Գաբրիել Սարգսյանը և Վլադիմիր Հակոբյանը ոչ-ոքիով մեկնարկեցին Քաթարի մրցաշարում
11:55, 28 Նոյեմբեր 2014
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի շախմատի հավաքականի անդամներ ոչ-ոքիով մեկնարկեցին Քաթարի մրցաշարում:
Քաթարի մայրաքաղաք Դոհայում սկսված բաց մրցաշարի անդրանիկ տուրում Հրանտ Մելքումյանը, Սերգեյ Մովսիսյանը, Ռոբերտ Հովհաննիսյանը տարան հաղթանակներ, Գաբրիել Սարգսյանը, Վլադիմիր Հակոբյանը, Հովհաննես Գաբուզյանը խաղացին ոչ-ոքի, իսկ Էլինա Դանիելյանը պարտություն կրեց: «Արմենպրես»-ի հաղորդմամբ, այս մասին տեղեկացնում է Armchess կայքը:
Մրցաշարին մասնակցում են 154 շախմատիստ, որոնցից մի քանիսը միջազգային կարգի վարպետներ են: Բարձր վարկանիշ ունեցող շախմատիստների թվում են Անիշ Գիրին, Վլադիմիր Կրամնիկը, Շախրիար Մամեդյարովը, Լիրեն Դինգը:
Բաժանորդագրվեք մեր ալիքին Telegram-ում