Ծանրորդուհի Տաթև Հակոբյանը 5-րդն էր Եվրոպայի առաջնությունում
11:20, 28 Նոյեմբեր 2014
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Կիպրոսի Լիմասոլ քաղաքում շարունակվում է ծանրամարտի մինչեւ 20 եւ 23 տարեկանների Եվրոպայի առաջնությունը:
Առաջնության ավարտից մեկ օր առաջ պայքարի մեջ են մտել 75 քաշային կարգում հանդես եկող աղջիկները: Հայաստանի ներկայացուցիչ Տաթև Հակոբյանը պոկում վարժությունում բարձրացրել է 93 կգ, իսկ հրումում`108 կգ քաշ: Երկամարտի 201 կգ արդյունքով զբաղեցրել է 5-րդ հորիզոնականը:
«Արմենպրես»-ի հաղորդմամբ, այս ստուգատեսում Հայաստանի մարզական պատիվը պաշտպանում են 10 ծանրորդ և 2 ծանրորդուհի:
Բաժանորդագրվեք մեր ալիքին Telegram-ում