Արարատ քաղաքում անցկացվեց առողջապահական «Բաց դռների օր»`
ԱՐՏԱՇԱՏ, 27 ՆՈՅԵՄԲԵՐԻ, ԱՐՄԵՆՊՐԵՍ: Արարատ քաղաքի առողջապահական կենտրոնում նոյեմբերի 28-ին Հայ-ամերիկյան բարեգործական հիմնադրամն («Արդա») եւ «Աքմա» կազմակրպությունն անցկացրեցին «բաց դռների օր»: ԱՄՆ-ից ժամանած 12 ակնաբույժներն օրվա ընթացքում սպասարկեցին ավելի քան 200 հիվանդների: Տեսողության ստուգումից, ախտորոշումից հետո քաղաքացիներն անվճար ստացան համապատասխան ակնոցներ:
«Արմենպրես»-ի փոխանցմամբ` Մարզպետ Ռուբիկ Աբրահամյանն այցելեց առողջապահական կենտրոն, ծանոթացավ աշխատանքների ընթացին, զրուցեց սպասարկող անձնակազմի եւ այցելուների հետ: Նրանք շնորհակալություն հայտնեցին մարզպետին` իրենց առողջության համար հոգ տանելու եւ անվճար բուժսպասարկում կազմեկերպելու համար: Նրանք նշեցին, որ կապված ֆինանսական միջոցների հետ` իրենք չէին կարող ստանալ համապատասխան բուժօգնություն եւ անվճար ակնոցներ:
Վաղը` նոյեմբերի 28-ին մարզկենտրոնում վերոհիշյալ կազմակերպությունները կկազմակերպեն «բաց դռների օր» Արտաշատ քաղաքի եւ շրջակա համայնքների բնակրիչների համար:
Արդեն մեկ շաբաթ է, մարզպետ Ռուբիկ Աբրահամյանի նախաձեռնությամբ, մարզի քաղաքային եւ գյուղական տարբեր համայնքներում կազմակերպվում են «բաց դռների օրեր», որոնց ընթացքում բնակիչներին սպասարկել են Երեւանի սրտաբանները, ԱՄՆ-ի եւ մայրաքաղաքի տարբեր առողջապահական կենտրոնների առաջնակարգ մասնագետները` ակնաբույժները, ստոմատոլոգները, մանկաբույժները, թերապեւտները, վիրաբույժները:-
Լիլիթ Մաճկալյան
Բաժանորդագրվեք մեր ալիքին Telegram-ում