Վլադիլեն Բալյանի և Գեղունի Չթչյանի հոբելյանների առթիվ համերգ կկազմակերպվի
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Արամ Խաչատրյանի անվան 2-րդ միջազգային փառատոնի շրջանակներում երեկո կանցկացվի անվանի կոմպոզիտորներ Վլադիլեն Բալյանի 90 և Գեղունի Չթչյանի 85-ամյա հոբելյանների առթիվ: Ինչպես «Արմենպրես»-ին տեղեկացրին ՀՊԵՆ մամուլի ծառայությունից, երեկոն կանցկացվի նոյեմբերի 29-ին Արամ Խաչատրյանի տուն-թանգարանում: Երեկոյի ընթացքում կհնչի կամերային երաժշտություն՝ Հայաստանի պետական երիտասարդական նվագախմբի անսամբլային կազմերի կատարմամբ։
Կհնչեն Վլադիլեն Բալյանի և Գեղունի Չթչյանի գործիքային ստեղծագործությունները։
Հայաստանի պետական երիտասարդական նվագախմբի 2014-2015 թթ. համերգաշրջանի սկիզբն ազդարարվեց Արամ Խաչատրյանի անվան միջազգային 2-րդ փառատոնի մեկնարկով: Այն այս տարի ևս իր շուրջն է համախմբում բազմաթիվ անվանի և տաղանադավոր մենակատարների: ՀՀ մշակույթի նախարարության աջակցությամբ և Հայաստանի պետական երիտասարդական նվագախմբի նախաձեռնությամբ անցկացվող փառատոնն անցկացվում է սեպտեմբերի 16-ից դեկտեմբերի 4-ը: Այն ներառում է 16 համերգային երեկո:
Բաժանորդագրվեք մեր ալիքին Telegram-ում