Ֆրանսիայում գտել են Շեքսպիրի պիեսների առաջին ժողովածուն
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Ֆրանսիայի հյուսիսի Սենտ Օմեր ոչ մեծ քաղաքում գտել են Ուիլյամ Շեքսպիրի Առաջին ֆոլիոն (Առաջին ֆոլիո են անվանում Շեքսպիսի պիեսների առաջին ժողովածուն), տեղեկացնում է «Արմենպրես»-ը՝ հղում անելով BBC News-ին:
Գիրքը գտնվում էր Նոր Պա դե Կալե տարածաշրջանի Սենտ Օմեր քաղաքի գրադարանում: Այն հայտնաբերել են գրադարանավարները, երբ նախապատրաստում Էին հատուկ ցուցահանդես՝ նվիրված Նոր Պա դե Կալեի եւ Անգլիայի կապերին:
Ֆոլիոյում պակասում են մի քանի Էջեր, ներառյալ տիտղոսաթերթը: Գրադարանավար Ռեմի Կորդոնիեի խոսքով՝ դա Է ամենայն հավանականությամբ դարձել այն բանի պատճառը, որ գիրքը կատալոգ Է մտցվել որպես մի գործ, որն առանձնակի արժեք չի ներկայացնում: Գրքի իսկությունն արդեն հաստատել Է Նեւադայի համալսարանից շեքսպիրագետ Էրիկ Ռասմուսենը:
Գրքում կան ձեռագիր նշումներ, որոնք կօգնեն ավելի հստակ պատկերացում կազմել այն մասին, թե այդ պիեսներն ինչպես էին խաղում Շեքսպիրի ժամանակներում, նշել Է Կորդոնիեն: Ենթադրվում Է, որ Առաջին ֆոլիոն Սենտ Օմերի գրադարանին բաժին է հասել Ճիզվիտների միաբանությունից:
Առաջին ֆոլիոն դերասաններ Ջոն Հեմինգի եւ Հենրի Կոնդելի կողմից հրատարակվել Է 1623 թվականին՝ դրամատուրգի մահվանից յոթ տարի հետո: Նրանք աշխատում Էին շեքսպիրյան թատերախմբում: Գրքում տեղ են գտել Շեքսպիրի 38 հայտնի պիեսներից 36-ը: Առաջին ֆոլիոն համարվում Է անգլալեզու գրականության ամենակարեւոր գրքերից մեկը:
Ենթադրվում Է, որ ընդամենը հրատարակվել Է Շեքսպիրի պիեսների ժողովածուների 800 օրինակ, իսկ մեր օրեր են հասել 233-ը: Ֆրանսիայում գտնվում Է ֆոլիոյի միայն երկու օրինակ, ներառյալ այն մեկը, որը գտնվել Է Սենտ Օմերում, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում