Սարգիս Հովսեփյանը կմարզի 21 տարեկանների ազգային թիմը
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի մինչև 21 տարեկանների ազգային թիմն այսուհետեւ կմարզի Սարգիս Հովսեփյանը:
Հայաստանի ֆուտբոլի մինչև 19 տարեկանների հավաքականի և Երևանի «Փյունիկի» գլխավոր մարզիչ Սարգիս Հովսեփյանը նշանակվել է Հայաստանի մինչև 21 տարեկանների հավաքականի գլխավոր մարզիչ:
«Արմենպրես»-ի հաղորդմամբ, այս մասին տեղեկացնում է Հայաստանի ֆուտբոլի ֆեդերացիան:
Սարգիս Հովսեփյանը Հայաստանի հավաքականի նախկին ավագն էր: Իր նորամուտն ազգային հավաքական նշել է 1992թ. հոկտեմբերի 10-ին՝ Հայաստանի ազգային հավաքականի անդրանիկ հանդիպմանը Մոլդովայի հավաքականի հետ։ Մինչ այժմ ազգային հավաքականի կազմում մասնակցել է Եվրոպայի առաջնության հինգ (1996, 2000, 2004, 2008, 2012) և աշխարհի առաջնության չորս (1998, 2002, 2006, 2010) ընտրական փուլերի։ Անցկացրած խաղերի քանակով Հայաստանի հավաքականի ռեկորդակիրն է (131 խաղ)։ ՈՒԵՖԱ-ի կողմից պարգևատրվել է մրցանակով ազգային հավաքականների մակարդակով 100-ից ավելի խաղի մասնակցելու համար։
Բաժանորդագրվեք մեր ալիքին Telegram-ում