Ճապոնացին իգական համալսարանին մեղադրել Է խտրականության մեջ
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Ճապոնացին դատի Է տվել Ֆուկուոկա քաղաքի իգական համալսարանին, որը նրան մերժել Է ընդունելության հարցում, տեղեկացնում Է «Արմենպրես»-ը՝ հղում անելով BBC-ին:
Տղամարդու կարծիքով՝ այն, որ համալսարանն իրեն մերժել Է մասնակցել ընդունելության քննություններին, Ճապոնիայի Սահմանադրության այն հոդվածների խախտում Է, որոնք երաշխավորում են սեռերի իրավահավասարությունը եւ կրթություն ստանալու հնարավորության իրավունքը:
Հաղորդվում Է, որ տղամարդն օրիորդաց համալսարանում ցանկանում Էր տիրապետել սննդագետի մասնագիտությանը: Նա համալսարանից պահանջում Է իրեն հասցված վնասը փոխհատուցել երեք հազար դոլարի չափով:
Համալսարանի ներկայացուցիչը հրաժարվել Է մեկնաբանել դատական քննությունը, բայց հայտարարել Է, որ ուսումնական հաստատությունը լրջորեն Է վերաբերվում մերժված դիմորդի պահանջներին:
Բաժանորդագրվեք մեր ալիքին Telegram-ում